خطيبة مشرف كل ماتتصل بيه تطلعلها رسالة مسجلة -
السرفر مشغول حالياً ، حاول فى وقت آخر .
مشرف شغال فى المرور كل مايشوف عربية مخالفة يديها تقييم سالب .
مشرف كتب كتابه فى موضوع وعمل الحفلة فى قاعة التهانى والمناسبات
ووزع على المعازيم تقييمات موجبة
مشرف زعلان من مراته عملها حظر
مشرف عام غطسوه تانى
مشرف خلف توأم إحتفظ بواحد والتانى حطه فى قاعة المكرر
مشرف جاتله فاتورة التليفون كبيرة عملها تعديل
زوجة مشرف نسيت تحط الملح فى الأكل حطلها تقييم سلبى
مشرف زهق من مراته عملها ايقاف
مشرف بيتغزل فى خطيبته وبيقولها
إنتى موضوع عمرى ... أنتى مشاركة حياتى .. إنتى كل صلاحياتى ...
مشرف عاوز يخطب عضوة قالها ممكن أسجل عندكم فى البيت 00
بس ياريت والدك ميتأخرش عليا فى رسالة التفعيل
مشرفه عندها حالة نفسية كل ماتكتب موضوع تحذفه
مشرف عاوز يعرف حبيبته بتحبه أو مبتحبوش دخل على القاعة
وبدأ يحذف المواضيع واحد ورا التانى
( بتحبنى - مبتحبنيش - بتحبنى - مبتحبنيش )
مشرف دخل قاعة المناقشات طلع منها بخمس غرز وإرتجاج فى المخ
مشرف دخل قاعة المرأة طلع منها بست اشهر
مشرف دخل قاعة القضايا السياسية قبضوا عليه فى مظاهرة
مشرف إختلف مع المشرف عام نقلة مشرف على قاعة المواضيع المكررة
مشرف عاوز يطرد عضو مميز من المنتدى
حطله أحد مواضيعه حتتبن حشيش وبلغ عنه
مشرفه مردتش على الموضوع ده اختفت فى ظروف غامضة
ماليش دعوة بالأدمن بئا انا بقول المشرفين
****